Fagstoff

Govlesadteme

  • Innbygg
  • Enkel visning
  • Lytt til tekst
  • Skriv ut

Aahka gon aahkuveh soptsesteminie. Guvvie.

Gosse datne sïjhth mubpide maam akt jiehtedh jallh sïjhth mubpiejgujmie soptsestalledh dellie datne govlesadth. Datne maahtah njaalmeldh jïh tjaaleldh govlesadtedh, baakoejgujmie, væhtajgujmie jallh bokstaavigujmie. Datne maahtah gïelem sjïehtedidh tseahkan gusnie sïjhth govlesadtedh. Jis datne maanide soptsesth dellie aelhkebe baakoejgujmie soptsestidh.

Sisvege

 Ulmieh learoe-soejkesjistie:

Njaalmeldh govlesadteme
Learoesoejkesjen ulmieh jiehtieh learohke edtja maehtedh:

  • goltelidh jïh eerlegevoetem vuesiehtidh mubpiej argumentasjovnese, jïh sjyöhtehke jïh eensi argumenth digkiedimmine nuhtjedh
  • ovmessie råållah haalvedh soptsestimmine, digkiedimmine, dramatiseringinie jïh åehpiedehtieminie
Tjaaleldh govlesadteme
Lïerehtimmien ulmie lea learohke edtja maehtedh
  • argumentasjovnem tjïelkestidh mubpiej tjaaleginie, jïh jïjtse argumentereles tjaalegh tjaeledh gïelem jïh soptsestimmievuekieh sjïehtedidh
  • gïelem jïh soptsestimmievuekieh sjïehtedidh ovmessie tjaelemetsiehkide skuvlesne, siebriedahkesne jïh barkoejieliedisnie

Gïele, kultuvre jïh lidteratuvre
Lïerehtimmien ulmie lea learohke edtja maehtedh

  • soptsestidh gelliesåarhts gïeleviehkiedïrregi bïjre, jïh dej funksjovnem buerkiestidh

Daennie kapihtelisnie datne åadtjoeh govlesadtemen bïjre lohkedh. Datne åadtjoeh lïeredh guktie sinsitnine govlesadtebe jïh mubpide soptsesth. Datne maahtah dovne faage-tjaalegh lohkedh jïh laavenjassh darjodh.

Guktie kapihtele öörneme

Kapihtelen tjïjhtje faage-sæjroeh. Voestegh datne åadtjoeh lïeredh mij govlesadteme, dan mænngan åadtjoeh lohkedh guktie maahtah govlesadtedh.

  1. Mij lea govlesadteme?
  2. Maam jïh mejnie govlesadtebe?
  3. Goltelidh jïh soptsestidh
  4. Govlesadteme-maahtoe
  5. Guktie argumenteradidh?
  6. Njaalmeldh åehpiedehteme
  7. Njaalmeldh åehpiedehtemem vuarjasjidh