Fagstoff

Njaalmeldh åehpiedehteme

  • Innbygg
  • Enkel visning
  • Lytt til tekst
  • Skriv ut

Nïejte biehkiem bæjjese beaja. Guvvie.

Jis datne sïjhth njaalmeldh åehpiedehtemem darjodh maam datne dellie tjoerh ussjedidh? Daesnie naan raerieh gåessie datne edtjh mubpide maam akt soptsestidh, lohkedh, åehpiedehtedh jallh buerkiestidh. Guktie datne maahtah åehpiedehtemem aelkedh, jåerhkedh jïh galhkedh.

Dan nuelesne naan buerie raerieh gåessie datne edtjh jeatjabidie maam soptsestidh, lohkedh, åehpiedehtedh jallh buerkiestidh.

Göökte kaarh gærjah lohkeminie. Guvvie.

Aalkoe lea vihkielommes

Voestes minudte lea vihkielommes. Aellieh aelkieh iktedimmine jallh sisveginie. Buerebe jis datne aalkah soptsesinie, sitaatine jallh jiehtieginie.

Gaertjedh dov aamhtesem

Buerebe jis datne naan vihkeles tsiehkieh veeljh enn gaajhken bïjre gusnie jïjnjh bïevnesh, smaave biehkieh nommigujmie jïh taaligujmie.

Nuhtjh vihties jïh tjïelke vuesiehtimmieh

Baajh sisvegem jieledh. Nuhtjh vihties jïh tjïelke vuesiehtimmieh, jïh jielije soptsestimmievuekiem.

Soejkesjh guktie sïjhth soptsestidh

Soptsesth jeereldihkie gïeline. Datne maahtah soejmetji jallh snååhpehke, reegkes jallh soejme gïeline. Mujhtieh aaj voejngehtidh.

Soejkesjh mah viehkievierhtieh sïjhth utnedh

Jis datne guvvieh tekstine vuesehth aellieh dan jïjnjh fïerhten gåvvan tjaelieh jïh ij baajh dejtie guvvide åejvie-aamhtesem sjïdtedh.

Govlesadth goltelæjjide

Gutnedh goltelæjjide. Voejhkelh jïenesidie goevlelidh jïh dejtie aaj jaksedh tjelmiejgujmie. Dah goltelæjjah sijhtieh damtedh datne dejtie soptsesth, jis dah föörhkedieh jallh bååhperieh dellie vuertesth ånnetji.

Vueptesth dov kråahpegïelem

Tjåadtjoen soptsesth. Nuhtjh kråahpegïelem. Aellieh tjåadtjoeh gïeth låammine, marhta- jallh kroessegïeti.