Fagstoff

Sjangerh

  • Innbygg
  • Enkel visning
  • Lytt til tekst
  • Skriv ut

Baakoeh sjangeri bïjre. Guvvie. Iktegisth gosse datne lohkeminie jïh tjaelieminie dellie hijven maam akt daejredh sjangeri bïjre. Sjangere-daajroe joekoen vihkeles dutnjien gosse edtjh tjaeledh, dan åvteste dellie maallem åadtjoeh guktie tjaeledh.

Sisvege

Ulmie learoe-soejkesjistie:

Datne edtjh maehtedh

  •  faageles daajroeh jïh dïejvesh nuhtjedh soptsestimmine tjaalegi jïh gïelen bïjre

Daennie kapihtelisnie datne åadtjoeh sjangeri bïjre lohkedh. Datne åadtjoeh lïeredh guktie sjangerh jarkesieh jïh guktie orre sjangerh sjidtieh. Datne maahtah dovne faage-tjaalegh lohkedh jïh laavenjassh darjodh. 

Guktie kapihtele öörneme

Kapihtelen gaektsie faage-sæjroeh. Voestegh datne åadtjoeh lïeredh mij akte sjangere, dan mænngan åadtjoeh lohkedh guktie sjangerh maehtieh jarkesidh. Datne aaj åadtjoeh lohkedh guktie maahtah sjangerh pleentedh, mah tjaalegh leah aamhtese-prosa jïh mah tjaalegh leah tjiehpies-lidteræære tjaalegh.

  1. Mij akte sjangere
  2. Påaste-kåarhth - snap-bïevnesasse
  3. Sjangere-pleenteme
  4. Sjangere jallh medijume?
  5. Aamhtese-tjaalegh
  6. Tjiehpies-lidterææren tjaalegh
  7. Fierhte tjaalege akte sjangere?
  8. Gie "manne" tjaalegisnie?